Le filastrocche sui nomi

PER GIOCARE CON I NOMI

Accòllu pioende,
sa’ baccas suni ’enzende,
da-i su Campidanu,
cun sa bestuledda in manu,
sa bestuledda a coddu,
a mandigare joddu,
a sa pinnetta mia,
de Sevadore Masia.
 

Lampa lampa,
chi mori chi campa,
chi campa chi mori,
Santu Salvadori.
 

Maria Maria,
sa pudda mi criat,
sutta su lettu,
a balcone abertu,
a janna serrada,
’essimiche fora,
carroni cagada.

 
Antoni Antoni,
su caddu mi morit,
su caddu e-i s’ebba,
Antoni Carramerda
Antoni carraludu,
su liberu in conca,
su liberu in manu,
Antoni capellanu.

 
Antoneddu Antoneddu,
tocca su campaneddu,
toccalu a forte a forte,
chi s’intendada in sa corte,
in sa corte ’e Otieri,
mela mia piberi,
mela mia grenada,
e in ue ti ses dada?
In Santa Bernardina,
fattende a beladina,
a beladina fattende,
nois tottu preghende,
preghende tottu su mundu,
su pilu di brunzu,
su pilu a limone,
mezus in su lettu,
chi no’ in presone.

Sevadore Sevadore,
una matta ’e rabatzone,
una matta ’e linna sicca,
Sevadore piscia piscia.
 

Rita Rita,
sa banchitta,
sa cadrea,
Rita fea.

Toiedda Toiedda,
piscia in sa padedda,
piscia in su piattu,
coro ’e attu.